બાળક ના થતાં પતિએ જેઠ સાથે સંબંધો બાંધવાનું કહ્યું, જેઠાણીની સામે જ માણતો સેક્સ

National

ગ્વાલિયરમાં બાળકીના નામે મહિલાનું તેના પતિએ શોષણ કર્યું હતું. વાસ્તવમાં લગ્નના બે વર્ષ પછી પણ જ્યારે બંનેને સંતાન નહોતું ત્યારે પતિએ બાળક માટે પત્નીને તેના મોટા ભાઈને સોંપી દીધી હતી. આ મહિલાના જેઠે ત્રણ વર્ષ સુધી તેના પર બળાત્કાર ગુજાર્યો હતો અને ફક્ત એટલું જ નહીં પતિ અને જેઠાણી પોતાની નજરો સામે જેઠ પાસે વહુ સાથે બળજબરીથી શારીરિક સંબંધ બંધાવતા હતા. આ પછી બાળક ન થયું એટલે પતિએ પત્નીને ઘરમાંથી કાઢી મૂકી. પોલીસે આરોપી પતિ, જેઠ અને જેઠાણી સામે ગુનો નોંધ્યો છે.


ભિંડના ગોહદની રહેવાસી 27 વર્ષીય મહિલાએ પોલીસને પોતાની આપવીતી જણાવી હતી. તેણે પોલીસને જણાવ્યું કે, વર્ષ 2015માં તેના લગ્ન ગ્વાલિયરના બિજૌલીના યુવક સાથે થયા હતા. પતિ અને તેના જેઠ ખાનગી કંપનીમાં નોકરી કરે છે. લગ્ન બાદ તે પતિ સાથે ગોસપુરામાં ભાડાના મકાનમાં રહેવા આવી હતી. જેઠ-જેઠાણી પણ અહીં સાથે જ રહેતા હતા. લગ્નના બે વર્ષ પછી પણ જ્યારે કોઈ સંતાન ન હતું ત્યારે પીડિતાએ પતિને ડોક્ટરની સલાહ લેવા કહ્યું હતું. આ સાંભળીને પતિએ વાત ટાળી દીધી.


થોડીવાર પછી તેણે કહ્યું કે, તેની પાસે બીજો રસ્તો પણ છે. તેને ડોક્ટર પાસે જવાની પણ જરૂર નથી. પતિએ કહ્યું કે, જો તેને બાળકો જોઈતા હોય તો મોટાભાઈ સાથે શારીરિક સંબંધ બાંધવા પડશે. મહિલાએ આ સંબંધ માટે ના પાડી દીધી. 20 જુલાઈ, 2017ની રાત્રે જેઠ-જેઠાણી તેના રૂમમાં આવ્યા હતા. જેઠાણીએ અંદરથી કડી લગાવી. અહીં જેઠે તેના પર બળાત્કાર ગુજાર્યો હતો.


બાળકના નામે ત્રણ વર્ષનો ત્રાસ
ત્યારબાદ તેની સાથે રેપની શરૂઆત થઇ ગઇ હતી. મહિલાએ ત્રણ વર્ષ સુધી બાળકના નામે પતિ, જેઠ અને જેઠાણીનો ત્રાસ સહન કર્યો હતો. તેની સાથે મારપીટ પણ કરવામાં આવી હતી. દરેક વખતે તે પોતાના હાથ-પગ જોડતી પણ કોઈને દયા ન આવી. પતિ અને જેઠાણી રૂમમાં ઉભા રહેતાં ને જેઠ પીડિતા પર બળાત્કાર ગુજારતો હતો.


જ્યારે ઝઘડો થયો તો પતિ અને જેઠ અલગ થઇ ગયા
બદનામી થવાના ડરથી તેણે કોઈને કહ્યું નહીં. ત્રણ વર્ષ સુધી તેની સાથે દુષ્કર્મ આચરવામાં આવ્યું હતું. જ્યારે ઓક્ટોબર 2020 સુધી બાળક ન થયું તો પતિ અને જેઠ વચ્ચે ઝઘડો થયો હતો. ત્યારબાદ બંને અલગ થઈ ગયા. પતિ તેને કાનપુર લઈ ગયો. અહીં પણ સંતાન ના થતા વિવાદ થયો હતો. પતિએ મહિલામાં રહેલી ખામીઓ જણાવીને તેને ઘરની બહાર કાઢી મૂકી હતી. પછી પેલી સ્ત્રી ઘરે આવી. અહીં તેણે પોતાના નાના ભાઈ અને ભાભીને આખી વાત જણાવી હતી. ત્યાર બાદ પરિવારજનોએ તેને હિંમત આપી હતી. તેની સાથે મહિલા ગ્વાલિયર પોલીસ સ્ટેશન પહોંચી હતી અને કેસ નોંધ્યો હતો. આ મામલે પોલીસે જણાવ્યું કે, મહિલાની ફરિયાદ પર પતિ, જેઠ અને જેઠાણી વિરુદ્ધ કેસ નોંધવામાં આવ્યો છે. ટૂંક સમયમાં જ આરોપીઓને પકડી લેવામાં આવશે.

Leave a Reply

Your email address will not be published. Required fields are marked *